قصيدة محمد عطاالله الريضة في سعود سعد القطيمي

يارفيقي صدقت الطيب دربه عسير
والسوالف على قولك طوال عراض

الاوادم تشابه بس الافعال غير
بعضهم بارتفاع وبعضهم بانخفاض

مثل مابالطيور الي تطير وتسير
شبه بالاجنحه والريش والانتفاض

وبينهم حر متميز ماهو بأي طير
نمدحه مانمدح الي على الحول باض

((مثل طيرا عرفته من قبيلة مطير))
يمدحونه ولا تلقى عليه اعتراض

حي ذاك الحصان ابن الحصان الشهير
حافظ طبع ابوه وطبع جده حفاض

جيت يمه مسير ضمن جمعا غفير
يسبق خطاي قلبا باصدق الحب فاض

مكرم الضيف مجزل مدته للفقير
لو تسلف بعضها واقترضها اقتراض

جيت اسلم عليهم واسأله واستشير
واحتواني بصدر ياسع اهل الرياض

رحب وقال تبشر مابغيته يصير
وشفت مع نور وجهه بارق العز ناض

اشهد انك ( ياسعود ) سيف شطير
ياعوضنا بأبوك وفاقدك مااستعاض

جعل عمرك طويل وجعل خيرك كثير
وياعساهم فدال اهل القلوب الغلاض

الخ...... والقصيدة اطول من كذا بس حبيت اجيب بعضها

تستاهلين الخيررررررررررر
وربي يسلمك

يستاهل ابو فواز وصح لسان الشاعر

الله لا يهينك
وتسعدنا ردودك

يتساهل ابو فواز ما قيل فيه,,,
ومن قدم شي يستاهله,,وهو مقدم الطيب دايم طبع و وراثه