كيك وعسل لكن ماهو بصحون

السلام عليكم ورحمةالله وبركاته






هذه القصيده للشاعر المعروف والمبدع محمد بن فطيس المري
حفظه الله فتعالوا أستمتعوا معي بكل حروفها





بعض العرب حبه يوردك الجنون
ولا يـوصـف له غـلاه حـكـاك له



مايقنعه وسط الغلا لو وش يكون
لـو كـل حـرف بالحـرير يـحـاك له


الـموت جـاك وهـو [ تقلبه الضنون ]
ولا لـك الا الـصـبـر وش وداك له


ان قلـت ضايـق قال هونها تهون
مايـدري ان ضيقتك له وبكاك له


تقعد تحبه وانت ساكت ومغبون
يـمكن بيوم يقال له مااوفاك له


وكانك مشكك هو يمون اوما يمون ..!
تـخيل ان عـفـت الصبر فـرقاك له


غـلا ومن فوق الغلا ماهوب دون
حـكـاه سـمعك يجبرك بأرخاك له


ودك تـحطه في العيون من العيون
وتبسط على رمضا الثرى ~ يمناك له ~


وتظله من الشمس في ظل الجفون
ولا يــمـر اذنـه ســوى [ لــبــاك لــه ]


وتـسـج مـن غيره لـو انهم يذكرون
ومنين ماسجت القدم ممشاك له


غـرو يـمـيـله الـترف ميل الغصون
غـصنً لـيان ومكرمه باسقاك له


جديله الى اقفى ستر منه المتون
كـني بـريحه لاألـتفت لــدعاك له


[ كيك وعسل لكن ماهو بصحون ]
ودعاك من عين الحسود غطاك له ..


الـلـه لايـعـطـيـه نـاسً(ن) يــنضلون
و يـستر علية مـن النحل " لا ياكله "


الوصف والتعبير في وصفه يهون
غير اطلب الله يستجيب دعاك له


وعذال قلبك في محبته يهبون
سكينهم عن قطع حبله حاكله


ناس عن اعراض العرب مايعرضون
ودايم على نفس الشكل والشاكله


اللي من [ لحوم الاوادم ياكلون ]
وحلوقهم يآدفع الـبـلاء متواكله


في سلمهم اولى بالاكل الاقربون
واطيبهم اللي صيدته شكواك له


يعزمهم الشيطان للذنب ويجون
هــذا يـقطع لـه وذاك يــواكله ~


ياجعلهم فدوة ثرى الغض الـفـتون
اللي على الدرب الطويل خطاك له


طيفه الى" نام البشر " زارك بهون "
وطيفك الى نام البشر سراك له ~


حبه دفان ومقبرة خضر الطعون
بـيـن العظام الــعوج كـنك ناكله


اللي كذا حبه لو تموت مغبون
ولا لك الا الصبر وش وداك له .. !






دمتم بحفظ الله ورعايته

الله يعافيك ويسلمك

ولاهنتي

اختيار رائع وشكرا

الرائع مرورك
والعفو

اختيار رائع والاروع انت هههههه