ابن مطرود الشراري والطياره

وادعت ناجح من مطار القريات
يوم اركبونا الطايره وشلعتنا
طاروبنا حمر العلابي خواجات
زرق العيون وجيههم هولتنا
دارت وفرت وامرجت بين لحظات
لولا الكراسي والمحازم رمتنا
جانا المضيف قال وشفي خدمات
قلت له انزلونا بطونا موجعتنا
اقرا التشهد يافهد والتحيات
الموت جانا والظروف جبرتنا
من اول اشوف الغيم وسط السموات
واليوم اشوفه يافهد من تحتنا
لاوالله اني ماحسبت الحسابات
ولا ترا سيارتي موصلتنا
يازين ممشى الارض لوهو مسافات
لنا بشعيب مزبطين قهوتنا
وش لي انا بالطايره والمطارات
والله ماعود ركوبها ان نزلتنا
بكره تطيح وتذيع المحطات
رح عاد دور قشنا مع جثثنا